बाबुराम भट्टराई नेतृत्वको नयाँ शक्ति नेपालले भिडियो मार्फत् देश विकासको खाका सार्वजनिक गरेको छ।
मंगलबार बाबुराम भट्टराईले सामाजिक सञ्जालबाट देश विकासको खाकासहितको भिडियो सार्वजनिक गरेको हुन् । भिडियोमा ‘समृद्धि सम्भव छ हाम्रै पालामा’ नारा समेटिएको छ भने विकासका दृश्यलाई प्राथमिकताका साथ देखाइएको छ ।
बाबुरामले सार्वजनिक गरेको एनिमेटेड भिडियोको सुरुमा पाइपलाइन सुख्खा भएको देखाइएको छ । पछि पाइप टालेपछि पाइपलाइनबाट पैसा झरेको देखाइएको छ ।
उक्त पैसालाई सदुपयोग गरेर सुन्दर सडकमार्ग, प्राविधिको सहायताबाट कृषि खेती, जलविद्युत सँगै केबलकार देखाइएको छ । अन्तिममा भने आर्थिक समृद्धिका लागि नयाँ शक्ति नेपाल लेखिएको छ ।
